Астана қаласы әкімдігінің «Астана қаласының Орталықтандырылған кітапханалар жүйесі» КММ
№5 көпшілік кітапхана

Паспорт

массовой библиотеки №5 государственного учреждения

«Централизованная библиотечная система» Города Астаны

 

1

Наименование организации

Массовая библиотека №5

2

ФИО

Есина Татьяна Александровна

3

Должность руководителя

Заведующая библиотекой

4

Город

Астана

5

Индекс

010010

6

Почтовый адрес

Ул. Петрова 14/2

7

Юридический адрес

Ул. Петрова 14/2

8

Телефон

43-00-70

9

Факс

 

10

Web caйт

 

11

Е-mail

 

12

Форма собственности

ГУ «Управление коммунальной собственностью г. Астаны»

13

Краткая информация о деятельности

учреждение, выполняющее информационные, культурные, образовательные, досуговые и другие социальные функции, располагающее организованным фондом печатных и рукописных документов, а также графическими, аудиовизуальными материалами на электронных носителях и предоставляющее их во временное пользование физическим и юридическим лицам.

 

Астана қаласы әкімдігінің Орталықтандырылған кітапханалар жүйесі коммуналдық мемлекеттік мекемесі

№5 көпшілік кітапханасы

Әңгімелесу сағаты:

«Мемлекеттік тіл – менің тілім»

 

Мемлекеттік тіл – менің тілім

Жүргізуші: Құрметті қонақтар, ұстаздар, оқушылар!

Қазіргі таңда еліміз өз тәуелсіздігіне қол жеткізгеннен кейін мемлекеттік тіліміз – қазақ тілі болып бекітілді. Қазақстан Республикасының «Тіл туралы Заңы» күшіне енді. Болашағымызды баянды етер басты қаруымыз – тіліміз.

«Адамға екі нәрсе тірек тегі,

Бірі – тіл, бірі – ділің жүректегі»,- деп Жүсіп Баласағұн бабамыз айтқандай кез келген мемлекеттің, елдің ең негізгі ұраны да, тірегі де – сол елдің ана тілі болмақ.

Біздің ана тіліміз – қазақ тілі. Отанымыз – Қазақстан. Қазақстан Республикасының өз елтаңбасы, әңұраны, туы бар. Сонымен қатар өз тілі бар.

 

Жүргізуші: Ана тілі – асыл күні бабамның,

Қуатымсың ақ сүтіндей анамның.

Сәби шақтан бесігімде жыр тындап,

Туған тілді жаттап өскен баламын.

Оң жол ізде өмірде көп ойланып,

Алдыңнан атар таңың арайлалып.

Азаматы бар ел деп бұл қазақтың

Талай жұрт құрметтесін қарай қалып.

Құрметті сайысқа қатысушылар және қонақтар!

Қазақстан Республикасының мемлекеттік тілі – қазақ тілі. Мемлекеттік тілді меңгеру – Қазақстан Республикасының әрбір азаматының парызы.

Қазақстан Республикасының «Тіл туралы» Заңына сәйкес қазақ тілі республикамыздағы негізгі тіл – мемлекеттік тіл болуына орай оның қолдану аясы, бедел-мерейі мемлекет ішінде ғана емес, халықаралық қатынастар деңгейіне дейін артып келеді.

Мемлекеттік тілдің мәдениетін көтеру, әдебиетті насихаттау, талантты жастарды іздеп табу мақсатында және өз елін, жерін, Отанын, тұған халқының тілі мен салт-дәстүрлерін қастерлейтін саналы да парасатты азамат етіп тәрбиелеу үшін жыл сайын біздің мектебімізде дәстүрлі тіл мерекесі өтеді. Осы мерекеге байланысты өткелі отырған «Мемлекеттік тіл – менің тілім» атты өзге ұлт оқушыларының арасында ұйымдастырылып отырған сайысымызға қош келдіңіздер!

 

Жүргізуші: Даланың терең жұтсақ ауасы кең

Танысайық бұл кештің шарасымен:

Сайыстың өтілу барысымен таныстыру.

  1. «Сәлемдесу» немесе таныстыру.
  2. Тақырыптық әңгіме құру.
  3. «Бәйге» (сұрақтарға жауап беру).
  4. «Шешендік өнер» (мақал-мәтелдер сайысы).
  5. «Білгенге – маржан, білмеске - арзан» (сұрақтарға жауап беру).
  6. Өнер сайысы.

І-белес: «Сәлем – сөздің анасы» таныстыру.

«Әдепті елдің баласы

Алыстан сәлем береді» дейді данышпан халқымыз. Бұл белесте әр сайыскер өзін-өзі таныстыруы керек.

II-белес: «Тақырыптық әңгіме құру» саыйсы, 5 ұпаймен бағаланады.

Қазақпыз – қыз өсірген іңкәр қылып,

Қазақпыз – ұл өсірген шырқап жүріп.

Қазақпыз – дәстүрін ұмытпаған,

Сайысқа түсіп, жеңіске ұмтылған.

Берілетін тақырыптар бойынша әңгіме құру: «Қазақстан», «Наурыз», «Қазақ тілі – мемлекеттік тіл», «Қазақтың салт-дәстүрлері».

I - белес: «Бәйге» (сұрақтарға жауап беру).

Әр сайыскердің қолында карточка бар. Қай сайыскер карточкасын бұрын көтерсе, сол жауап береді. Егер бірінші сайыскердің жауабы дұрыс болмаса, екінші сайыскерлер жауап бере алады. Жауап нақты әрі тез болу керек. Соңында әр қатысушының ұпайы есептеледі.

Сұрақтары:

1. Қазақстан өз тәуелсіздігін жариялаған жыл? (1991)

2. Тіл туралы Заң қашан шықты? (1997)

3. 1986 жылғы желтоқсан құрбандарын ата.

(Қайрат Рысқұлбеков, Ербол Сыпатаев, т.б.)

4. Диалог деген не? (екі кісінің сөйлесуі)

5. Қазақ тіліне тән неше дыбыс бар? (9)

6. Үш би ? (Төле би, Қазыбек би, Әйтеке би)

7. Алтын киімді адам табылған жер? (Есік қорғаны, Алматы облысы)

8. Үміт сөзінің синонимі (арман, қиял)

9. М. Әуезовтың атақты роман-эпопеясы? («Абай жолы»)

10. «Қазақстан - 2030» кітабының авторы? (Н. Ә. Назарбаев)

11. Абылай ханның шын аты? (Әбілмансүр)

12. Шапшаңдықты көрсететін ұлттық ат ойыны? (бәйге)

13. Тіл білімінің атасы? (А. Байтұрсынов)

14. 100 жасаған ақын? (Ж. Жабаев)

15. «Наурыз» сөзі қай тілден аланған? (парсы)

16. Қазақтың тұнғыш этнограф ғалымы? (Ш.Уәлиханов)

17. Қазақтың батыр қыздары? (Әлия, Мәншүк)

18. Ұлттық музыкалық аспап? (домбыра)

19. Асар дегеніміз не? (көмек)

20. Қазақтың атақты кино әртісі? (Ш. Айманов)

21. Әйтеке бидің шын аты? (Айтық)

22. Экологиялық апатқа ұшыраған теңіз? (Арал)

23. Үш жүздің басын қосқан хан? (Абылай хан)

24. Айлы кеште ойнайтын ұлттық ойын? (Ақ сүйек)

25. Діни мейрамдар? (ораза айт, құрбан айт)

26. Қобызда ойнаған күйші? (Қорқыт ата)

27. Абайдың шын аты? (Ибраһим)

28. Оқушы сөзінің синонимі? (шәкірт)

29. Қазақтың мемлекеттік академиялық драма театры кімнің атында?

(М. Әуезов)

IV. «Шешендік өнер» (Мақал-мәтелдер сайысы)

Мақал-мәтелдер – талай замандар бойы қалыптасқан, ұрпақтан-ұрпаққа ауысып келе жатқан асыл мұра. Сондықтан да сайысымыздың үшінші белесі мақал-мәтелдерге арналады. Бұл кезеңде мақал-мәтелдердің бірінші жолын жүргізуші өзі айтады, сайыскерлер толықтырады.

Мақал-мәтелдер:

1. Елсіз ер болмайды,

Жұртсыз жігіт болмайды.

2. Адам досымен мықты,

Ағаш тамырымен мықты.

3. Туған жердей жер болмас,

Туған елдей ел болмас.

4. Досы жоқпен сырлас,

Досы көппен сыйлас.

5. Оқусыз білім жоқ,

Білімсіз күнің жоқ.

6. Батыр туса – ел ырысы,

Жаңбыр жауса – жер ырысы.

7. Ата – байтерек,

Бала – жапырақ.

8. Еңбектің наны – тәтті,

Жалқаудың жаны – тәтті.

9. Ер жігіт – ел үшін туады,

Ел үшін өледі.

10. Күш – білімде,

Білім – кітапта.

 

Қосымша тапсырма:

Төмендегі мақал-мәтелдердің орысша мағыналас мақал-мәтелін атау.

1. Жолдасы көптің –олжасы көп.

(Друзей много – шире дорога)

2. Жеті рет өлшеп, бір рет кес.

(Семь раз отмерь, один раз отрежь)

3. Еңбексіз тапқан мал, есепсіз кеткен сал.

(Что легко наживается, легко проживается)

4. Сыртына қарама, ішкі ойын бағала.

(По одежке встречают, по уму провожают)

5. Көп тыңда, аз сөйле.

(Много слушай, меньше говори)

6. Көз – қорқақ, қол – батыр.

(Глаза боятся, руки делают)

7. Айтқан сөз – атқан оқпен тең.

(Сказанное слово, как выпущенная пуля)

V. Келесі сайысымыз – «Білгенге – маржан, білмеске - арзан» деп аталады.

Сұрақтарға жауап беру. Қазақтың бұрыннан келе жатқан салт-дәстүрлері.

Осы сөздерді қалай түсінетіндеріңді айтыңдар:

1. Сүйінші дегеніміз не?

2. Байғазы дегеніміз не?

3. Сыбаға беру дегеніміз не?

4. Шашу дегеніміз не?

5. Көрімдік беру дегеніміз не?

6. Той табақ дегеніміз не?

7. Тұсау кесу дегеніміз не?

8. Шілдехана дегеніміз не?

VI. Өнер сайысы.

Әр сайыскер өз өнерін көрсетеді.

Осы белестер аяқталғаннан кейін әділқазылар алқасы сайысқа қатысушыларды алған ұпайлары бойынша марапаттайды.

Жүргізуші:

- Қымбат маған ана тілім, бал тілім,

Қымбат маған дана тілім, ар тілім,

Ақ сүтімен бірге сіңген бойыма,

Ана тілім – ардақ тұтар алтыным.

«Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту» деген Б. Момышұлы. Ана тілімізді құрметтеп, сүйе білейік. Мемлекеттік тілде көп оқып, бір-бірімізбен қазақша сөйлесейік. Бүгінгі ұрпақ ана тіліне жетік, білімді, мәдениетті болуы шарт дей отырып, бүгінгі «Мемлекеттік тіл – менің тілім» атты өзге ұлт оқушыларының арасында ұйымдастырылып отырған сайысымыз осымен өз мәресіне жетті.

Қош, сау болыңыздар!

 

 

 

 

 

 

 

Жаңа кітаптар топтамасына шолу

 

Кітап — ақылды қуаттандыратын құрал.

Каменский

Адамның саулығы - оның ең басты байлығы, ал адам миының саулығы оны үнемі қоректендіруді қажет етеді. Сондықтан кез келген тұлға рухани бай болуы үшін кітаптарды неғұрлым көп оқуы қажет. Кітап адамның дүниетанымын кеңейтіп, рухани дүниелерді оятады, ол заманымыздың өмірі.

Әлі есімде әжем айтып отыратын, ертеде соғыс жылдарында әркімнің жазу жазып, әріп танитындай білім алатын мүмкіншілігі болған жоқ, сондықтан ел арасында жазу танитындардан, жастардан «әй балам, мына кітапты маған оқып берші, әттең жазу танымаймын» , - деп бала- немерелеріне оқытатын-ды. Сол әңгіме, кітап, журналдарды оқып өзі де танып, немересіне де оқытып тәрбие беретін ата – апаларымыз өте ақылды, тәрбиелі, өнегелі жастарды ұзақ білім жолына жетеледі...

Кітап – рухани сарқылмас қазына демекші, оқырман қауым үшін әрдайым кітапхана есігі ашық. Бүгінгі таңда өзекті мәселе болып отырған инновациялық технологиялардың қарқынды дамуы негізінде, түрлі кітапты алмастыратын ақпарат көздері кітаптың орнын басады ма деген сұрақ. Алайда, нағыз рухани азық іздеген адамға бұл кедергі болмас.

Сол рухани азық біздің кітапханада түр түрімен толып жатыр, оның үстіне жиі жаңартылып отырады. №5 филиал Астана қаласының Орталықтандырылған кітапханалар жүйесіне кіретін көпшілік кітапхана. Өмірінің жартысын кітапхана ісіне арнаған осы бөлімшесінің меңгерушісі Есина Татьяна Александровна, сонау мектеп оқитын бүлдіршіндерден бастап зейнеткер қарияларымыздың кітапхана сұраныстарын қанағаттандыруда. Кітапхана ғимаратында үнемі түрлі тақырыптарда көрмелер қойылады, іс-шаралар өткізіледі. Қорында 50 мыңға жуық кітабы бар кітапханаға 2013 жылдың басында тағы жаңа кітаптар жинағы кеп қосылды. Енді осы кітаптарға шолу жасап, Сіздердің назарларыңызға ұсынайын.

Тәуелсіз Қазақстан Республикасының тарихы оның негізін қалаушы және тұңғыш Президенті Нұрсұлтан Әбішұлы Назарбаевтың есімімен тікелей байланысты. 2012 жылы басылып шығарылған ел Президентінің өмірбаяны жазылған «Нұрсұлтан Назарбаев өмірбаян» атты кітабы жарық көрді. Бұл кітап парақтарында Нұрсұлтан Әбішұлының ауыл жасөспірімінен ұлт лидеріне дейінгі өмір жолы баянды етілген. ХХ-ХХІ ғасырлардағы қоғамдық саяси өзгерістердегі өміріне көп мән берілген. Аталған кітап 12 бөлімнен құралған. Алғашқы беттерінде көшбасшымыздың туылған жері мен туысқан-жақындары жайлы толық мәлімет берілген. Білім алған мектеп ордасындағы жетістіктері мен алған бағасына дейін толық көрсетілген. Орта мектепті тәмәмдағаннан соң Теміртаудағы қызу жұмысының фотосуреттері, алған мадақтау қағаздарының көшірмелері бейнеленген аталмыш кітап оның Кеңес Одағы кезіндегі қызмет бабындағы мәліметтермен жалғасын тапқан. Тәуелсіздікке басқан алғаш қадамдары, ертеңгі күнге сенміммен қараған Нұрсұлтан Назарбаевтың әрбір қиыншылықтары мен жетістіктері нақты деректерге сүйене отырып жазылған. Өз егемендігіне қол жеткізген Қазақстан Республикасының келесі қадамдары, жаңа қала Астананың бой көтеруі, бәсекеге қабілетті елдердің қатарына қосылып, ұлт көшбасышы атануының әрбір жарқын сәттерінің мағлұматтары баянды етілген. Мазмұны мұқабасына сай мәнді де сәнді етіліп басылған. Кітап беттерінде ел басшысына қатысты мұрағаттардан алынған ақпараттар, баспасөз газеттерінде жазылған мақалалардың көшірмелері, фотосуреттер және ең бастысы маңызды жеке құжаттардың түпнұсқасынан аумайтын қосымша бетерге салынған құжат көшірмелері қоса тігілген. Жоба басшысының пікірінше, осындай көрнекі кітап оқырмандарға түсінікті әрі сезінуге жақын болады. Тұңғыш Президентіміздің өмірбаяны жайлы осындай әдемі кітап кітапханамыздың төрінен орын алып, оқырмандарға ұсынылуда.

«Мәдени мұра» мемлекеттік бағдарламасы ҚазақстанРеспубликасы Президенті Н.Ә.Назарбаев бастамасымен іске асырылуда. Бағдарлама халықтың үлкен мәдени мұрасын, оның ішінде заманауи ұлттық мәдениет, фолоьклор және салт-дәстүрлерін; ұлттық тарих үшін ерекше маңызы бар тарихи - мәдени және сәулет ескерткіштерін қалпына келтіру; ұлттық әдебиет пен жазбаның ғасырлар бойындағы тәжірибесін жалпылау; мемлекеттік тілде әлемдік ғылыми ойлар, мәдениет және әдебиет жетістіктерінің үздіктері негізінде толымды қор жасауды зерттеу жүйесін құруды қарастырады. Ұлттық кітапхана елдің жоғары оқу орындарының бірі. Елбасы «Мәдени мұра» бағдарламасын мемлекеттің мәдениетіне қолдау көрсететін стратегиялық ұлттық жоба деп атаған. Осы жоба бойынша елімізде түрлі басылымдар жарық көруде. Атап айтсақ, Қазақстан Республикасының тарихи-мәдени ескерткіштерінің жинағының келесі реті Маңғыстау облысына қатысты болмақ. ҚР Мәдениет және ақпарат министрлігінің қолдауымен шыққан бұл кітапта Маңғыстау облысының шығу тарихы, қалыптасу кезеңдері берілген. Ақтау қаласы және қала маңы, Бейнеу ауданы, Қарақия, Маңғыстау ауданы, Мұнайлы және Түқараған аудандарының тарихи ерекшеліктері мен байлықтары жайлы толық мәлімет берілген. Кітаптың толық бетіне бейнеленген облыстың кескін келбеті мен тарихи-археологиялық ескерткіштері тек қызығушылықты арттыра түседі. Барлық Қазақстан Республикасының облыстары ашық бейбіт аспан астында бірге өмір сүріп жатқандығымен әр жердің өзіндік тарихы, қалыптасуы, ерекшеліктері мен мәденеті өзгеше болып келеді. Сол себепті кітаптың соңғы беттерінде өзен – көлдер, ұлттық бұйымдардың фотосуреттері, мұнай шығару және өңдеу кендерінің орындары, ұлттық байлықтардың суреттері мен олардың түсіндірме атаулары берілген.

«Мәдени мұра» мелекеттік бағдарламасының кітап сериялары ҚР тұңғыш Президенті Нұрсұлтан Назарбаевтың бастамасы бойынша шығарылған «Бабалар сөзі» жүз томдық Шежіре жыр аңыздар кітабының тоқсанға дейінгі басылымы кітапханаға келіп түсті.

Осы аталған бағдарлама бойынша шығарылған келесі бір туындылар ол - әлем әдебиеті кітапханасы. Түрлі шетел жазушыларының шығармалары, роман және новеллалары қазақ тіліне аударылып оқырмандарға кең форматта ұсынылып отыр. Мысалға алатын болсақ, шведтік Юхан Август Стриндбергтің «Қызыл бөлме, Хемсе аралының тұрғындары» романдары мен басқа да новеллалары.

Тағы бір ерекше атап өтетін жайт, жаңа кітаптар қатарына жас оқырмандарға, бүлдіршіндерге арналған түрлі әдебиеттер, оның ішіне қызықты ертегілер, хикаяттар, таңғажайып оқиғалар келіп қосылды. Әлем балалар әдебиетінің інжу-маржандары, жасөспірімдерге арналған шығармалар. Марк Твеннің шығармасы «Том Сойердің басынан кешкендері» классикалық туындысында Том Сойердің басынан кешкен қызықты оқиғалары суреттеледі. Оқиға тілі бай, бүрлі тартыстарға толы. Кейіпкерлер және олардың өмірі, дүниетанымы арқылы сол кездегі, яғни XVIII ғасырдағы АҚШ-тағы шағын қалашықтар тұрғындарының күнделікті жұмыс тірішлігі, қарапайым адамдардың, діни қызметкерлердің психологиясы, болмысы, түсінігі көз алдыңа келеді. Кейбір тұстардағы суреттер мен оқиғалар қазақ ауылындағы өмірді көз алдыңа әкелгендей болады. Және бұл тізім осымен тоқтамайды, көптеген басқа да шетел жазушыларының балаларға арналған туындылары көптеп кітапхана сөрелеріне келіп орналасты.

 

«Мен Сіздің өнеріңізді үнемі мұқият күтіп, байқап жүремін»

ҚР Президенті Н.Ә.Назарбаевтың

Иван Щеголихинге жазған хатынан...

Иван Щеголихиннің «Между прошлым и будущим» атты кітабы жаңа түскен кітаптар қатарынан. Автор көптеген романдар мен повесттерді жазған, атап айтсақ, «В одном институте», «Машина бремени» , «Должностные лица» және тағы басқалары, сонымен қатар, Мұхтар Әуезовтың, Сәкен Сейфуллин, Сабит Мұқанов, Ғабиден Мұстафин, Бердібек Соқпақбаевтың шығармаларын орыс тіліне аударған жазушылардың бірі. Соңғы жылдары И.Щеголихин мемлекеттің саяси өміріне белсенді қатысты, Жоғарғы Кеңестің депутаты, ҚР Парламентінің сенаторы болған.

Осы жолы жарық көрген кітабы орыс тілінде шыққан. Мұқабасында фотосуреті бейнеленген бұл кітаптың алғашқы беттерінде автор жайында жазылған көптеген зиялылардың ойлары, сипаттамалары мен еске алулары жазылған.

№5 көпшілік кітапханаға келіп түскен жаңа кітаптарының ендігі топтамасы дүниежүзілік қазақтардың қауымдастығынан шетелдегі қазақтар атымен шығарылған кітаптар жиыны. Қазақстан Республикасының Мәдениет және ақпарат министрлігі Ақпарат және мұрағат комитетінің «Әдебиеттің әлеуметтік маңызды түрлерін басып шығару» бағдарламасы бойынша шығарылған. Мысалы, Сұлтан Жанболаттың «Ежелгі ұлыс тарихы» кітабы. Мұнда ежелгі Үйсін ұлысының тарихын сарабдал сараптаудан өткізу арқылы қазақ ұлтының қалыптасу кезеңдеріне жіті көз жібереді. Кітап ұлтымыз тарихындағы жоталы шындықтарды танығысы келген әрбір оқырман үшін қызғылықты дүниеге айналары даусыз.

Қазақ елінің әдебиетін Абайсыз елестету мүмкін емес. Ғарифолла Есімнің «Хакім Абай» атты екі тілдегі (орыс және қазақ тілдері) шығармасы кітапхана сөрелерін байыта түсті. Ілкімді ізденіс пен зерделі зерттеу нәтижесінде дүниеге келген бұ сүбелі еңбекте қазақ руханиятының толағай тұлғасы, ұлы ақын, әлемдік деңгейдегі ойшыл Абай Құнанбайұлының шығармаларындағы теңіздей терең ой, астарлы ақиқат, тылсым да тұңғиық сырлар туралы тұжырым- пайымдар жасалған.

Ұлы бабамыздың түсініктері туралы түсінік деп бағалауға лайық, абайтану ғылымына сөзсіз үлкен үлес болып қосылар туынды көпшілік оқырман қауымға арналған.

Осындай қызықты да өте танымды кітаптар жиынын Астана орталықтандырылған кітапханалар жүйесінің №5 көпшілік кітапхана филилалының сөрелерінен таба алсыздар. Біздің мекеме есігі әрдайым Сіздер үшін ашық.

 

Аудиокітаптарды таныстыру

 

 

Өткізілу мерзімі мен уақыты: 14.04.2013,

сағат:12-00, 16-00

 

 

Өткізілу орны: №5 көпшілік кітапхана

ғимараты (оқу залы)

 

 

Армысыздар құрметті оқырман қауым!

 

Сіздердің назарларыңызға кітапхана жүйесінің жаңалығын ұсынамыз. Бұл – аудиокітаптар. Ежелден әңгіме-аңыздар, өлең-жырлар, түрлі шығармалар және нақыл сөздер ауызекі тілде сақталып, ел арасында тараған. Үлкендер, ата- апалар бала-немерелеріне ауызша жеткізе отырып әдебиетті ұрпақтан ұрпаққа таратқан. Заман өте келе ел жазу-сызуды игеріп, әдеби шығармаларды парақ бетіне түсіріп, кітап шығара бастаған.

Уақыт бір орынында тұрмайды, сол секілді адам қабілеті де үнемі дамып өмірге заманауи өзгерістер енгізіп, жаңалықтар ашып жатады. Ескірген кітаптарды жаңа баспада қайта басып шығарып, оқырмандарға ұсыну бүгінде жаңалық емес. Уақыт өте қымбат. Заман талабы оны неғұрлым үнемдеп жұмсауды талап етеді. Жыл басында Астана қаласының Орталықтандырылған кітапханалар жүйесінің №5 көпшілік кітапхана филиалының сөресіне аудиокітаптар жиынтығы келіп түсті. Бұл туындылар еш өгеріссіз СД форматына көшірілген жазушылардың шығармалары, романдары мен өлеңдері, жырлары, хикаяттары мен әңгімелері. Атаулы аудиокітаптардың тиімділігі сонда, оларды кез келген тыңдаушы қауымға ыңғайлы орындарда тыңдауға және өзімен бірге саяхаттарға алып жүруге мүмкіншілігі. Мысалы, Қазақ ақын-жазушыларының ерлік жорық жырлары. Қазақ поэзиясының алтын бастауы боп есептелетін жыраулар поэзиясы ешқашан ескірер емес. Қолдарыңыздағы аудиокітапта сан ғасырлардан шаршамай, шалдықпай жеткен тұлпар жырлар, шаң қаппайтын дүр-жайһарлар топтастырылған. Қазақтың арда кезін көргіңіз келсе, жырауларды тыңдаңыз. Мұндай поэзиясы бар халықтың бақытсыз болуы мүмкін емес.

«Жорық жырлары» деген атпен жарық көріп отырған жинаққа енген жырлар «Жазушы» баспасынан әржылдарда шыққан «Үш ғасыр жырлайды», «Бес ғасыр жырлайды» атты кітаптарынан алынды.

Оралхан Бөкейдің «Атау кере» романы келесі кезекте.Жазушы – драматург, көрнекті қаламгер, ҚР мемлекеттік сыйлығының лауреаты Оралхан Бөкейдің көптеген шығармалары орыс, ағылшын, чех, болгар, венгр, араб, жапон тілдеріне аударылған. Жазушы өзінің шығармаларында замана шындығын кейіпкерлерінің бітім-болмасы, ішкі жан-дүниесі, өмірлік мұраттары, әрқилы тағдарлары арқылы терең танытты. Адам тағдырын жалаң саяси-әлеуметтік ауқымда емес, барынша күрделі өмірлік заңдылықтар аясында таныту – қаламгердің ұстанған басты позициясы.

Абай Құнанбайұлының өлеңдері келесі аудиокітапта жинақталыпты. Ол қазақ поэзиясының мазмұндық ауқымын, тақырыбын кеңейтті, әдебиетте жаңа стиль мен жанрлық түрлер туғызды. Сондай – ақ ұлы ақын музыка саласында да мол мұра қалдырып, қазақтың музыка өнерін дамытты. Мәтін «Жазушы» баспасынан 2005 жылы жарық көрген Абай шығармаларының екі томдығы бойынша оқылды.

Ғабит Мүсіреповтың «Ұлпан» романы. Қазақтың ұзақ ғасырлық ұзын ырға тарихында көреген көсемдігімен де, айрықша адал адамгершілік ақыл-парасатымен де, ағайын-туысқа айнала ел-жұртқа етене жақындығымен де Халық анасы атанған, тіпті тұтас бір рулы елдің ұранына айналып кеткен әйелдер бар. Ұлпан романының кейіпкері Ұлпан да сондай ұлы әжелер санатынан.

Бейімбет Майлин «Шұғаның белгісі». Б.Майлин – прозалық туындылары арқылы өзі өмір сүрген заман шындығы мен қоғам өмірін шебер сомдай алған ұлы суреткер. Алғашқы жазылған «Шұғаның белгісі» хикаятымен- ақ ол қазақ көркем прозасының ғажайып эстетикалық мүмкіндігін жарқырата көрсетті.

Мұхтар Әуезовтың «Абай жолы» роман – эпопеясы. Қолдарыңыздағы жинақ атақты эпопеяның тұңғыш рет жарық көріп отырған аудионұсқасы. Бұған дейін әр жылдарда радиодан, теледидардан үзінділері оқылып келсе де, дәл осындай тұтас дүние болған емес.

15 жыл бойы жазған «Абай жолы» атты төрт томдық тарихи роман – эпопеясының «Абай» аталған бірінші кітабы 1942 жылы, екіншісі 1947 жылы, жарық көрді. Төрт кітаппен біткен эпопеяға 1959 жылы Лениндік сыйлық беріліп, дүниежүзі әдебиет сүйер қауымынан жоғары баға алды.

Аталған аудиокітаптар тізімі осымен аяқталмайды. Олардың барлығы да аталған кітапхананың СД залында оқырмандарға ұсынылуыда. Тыңдаймын деушілерге кітапхана ғимаратында отырып тыңдауға сонымен қатар белгілі мерзімге алып тыңдауға мүмкіншілігі берілген. Барлық аудиокітаптар дискіге жазылған және CD, VCD, DVD, PC форматында барлық компьютерлерде оқылады. Осындай рухани азықты кез- келген тиімді әдістермен оқу, тыңдау мүмкіншілігі әрқайсыңызға берілген. Сондықтан, кітап оқиық, аудиокітап тыңдайық, ағайын!

 

НАЗАРЛАРЫҢЫЗҒА РАХМЕТ!