Астана қаласы әкімдігінің «Астана қаласының Орталықтандырылған кітапханалар жүйесі» КММ
№5 балалар кітапханасы

Астана қаласы Орталықтандырылған кітапханалар жүйесі мемлекеттік мекемесі №5 балалар кітапхана паспорты

Ұйымның атауы

№5 балалар кітапханасы

1.

Аты-жөні

Бектанова Гульмира Досанкуловна

2.

Басшының лауазымы

Кітапхана меңгерушісі

3.

Қала

Астана

4.

Индекс

010010

5.

Почталы мекен-жайы

Ш. Құдайбердіұлы 25/3 даңғылы

6.

Заңды мекен-жайы

Ш. Құдайбердіұлы 25/3 данғылы

7.

телефон

99-51-54

8.

факс

----

9.

Web-сайт

astana-kitaphana.kz

10.

Е -mail

sbs_sbs@mail.ru

11.

Меншік түрі

«Астана қаласының Коммуналды меншік басқармасы» ММ

12.

Бөлменің барлық көлемі

1 251, 2 кв. м

13.

Қызметі жайлы қысқа мағлұмат

Заңды және жеке тұлғаларға ақпараттық, мәдени-білім, оқу жүйесі бойынша, мәдениеттік және әлеуметтік қызмет көрсететін, қолдан жазылған және баспа басылымдарынан ұйымдастырылған қорларды, графикалық, электронды тасымалданатын аудиобейнелі материалдарды уақытша қолдануға беретін мекеме

 

Мекен-жайы: Ш. Құдайбердіұлы 25/3 даңғылы

Тел: 99-51-54

Кітапхана меңгерушісі: Бектанова Гульмира Досанкуловна

e-mail: -sbs_sbs@mail.ru

Бөлімшенің жұмыс тәртібі:

Бөлімше 9.00 – дан 18.00 дейін істейді.

Оқырмандарға қызмет көрсету 10.00 – дан 18.00 дейін.

Демалыс күні: жексенбі.

Санитарлық күн: айдың соңғы күні.

Түскі тамақ жылжымалы кесте бойынша.

№5 балалар кітапханасында жергілікті тұрғындарға жоғары дәрежеде қызмет көрсету: оқырмандарға кең көлемде ақпараттық, электрондық қызмет көрсетіледі, оқырмандарға абонемент, оқырман залы және CD-залын қолдануға мүмкіншілік бар және қолданушылармен «қайырымды байланыста» болуға болады, т.б. кітапхана түрлерінің маркетингі бар.

Кітапхана мәдени, білім мен ақпараттық базалы элементтерінің бірі бола отырып, тұрғындардың ақпарат қорларына еркін, ашық қолжетімін қамтамасыз етеді, кітапхана «Кітапхана және мектеп: ақпарат кеңістігіндегі серіктестік» бағдарламасы бойынша жұмыс істейді.

Басқару міндеттері:

  • ақпараттық,
  • білімділік,
  • тәрбиелік.

Кітапхана миссиясы: балалардың интеллектуалды және рухани дамуын ұйымдастыру және қанағаттандыру, өзін-өзі тану, өз білімін көтеру; кітапхана пайдаланушыларының табысты оқу іс-әрекеті үшін ақпарат беру және кітапханада өткізілетін іс-шаралар арқылы оқырмандардың ойлау шеңберін кеңейту.

Кітапхананың негізгі мақсаттары мен міндеттері:

  • Балалар оқуын белсендіру, жаңа оқырмандарды тарту.
  • Жұмыстың жаңа әдістері мен тәсілдерін енгізу.
  • Қазақстандық елжандылық пен азаматтылықты тәрбиелеу.
  • Экологиялық көзқарас пен табиғатты қорғау мінез-құлқын тәрбиелеу.
  • Туған өлкесінің тарихына деген қызығушылықты қалыптастыру.
  • Басқа халықтардың мәдениетіне деген қызығушылықты тәрбиелеу.
  • Рухани-адамгершілік тәрбие.
  • Қазақ халқының салт-дәстүрлері мен мәдени мұрасына деген қызығушылықты тәрбиелеу.
  • Достық пен төзімділікті тәрбиелеуге ықпал ету.

 

КіТАПХАНА ӨМІРІНЕН…

2012 жылы 5 қыркүйекте Шәкәрім Құдайберді ұлы көшесіндегі балалар кітапханасында «Ашық есік» күні өтті.

Күні бойы шағын аудан аймағындағы мектептерден оқушылар, тұрғындар келіп, кітапханамен танысып, аралап қөріп жазылып, тіркелді. Сонымен қатар № 51 мектептің 6 «б» сыныбы, сынып жетекшілерімен бірге кітапханаға саяхат жасады, №64 мектеп оқушылары да келіп ашылу салтанатына қатысып, оқырман ретінде тіркелді.

Оқушылар мен оқырмандар кітапхана бөлімдерімен, кітап қорларымен және қолдану ережелерімен де танысты. Келген оқырмандарды кітапханаға тарту, қызықтыру мақсатында кітапханашы олармен суретжұмбақ шешуге көмектесті. Барлық келген оқырмандар ризашылығын білдіріп, рахметін айтып тағы да келетін айтты.

2012 жылы 19 қыркүйекте Халықаралық тілдер күніне байланысты «Адамдар дос болса – тілдерде дос болады» атты іс-шара № 64 мектеп-лицейінің мұғалімдері мен оқушылармен бірге өтті.

Мақсаты-оқырмандардың туған тілге деген көзқарасын қалыптастыру, ана тілін қастерлеу, қызығушылығын арттыру, ата-бабамыздан қалған асыл қазына байлығымыз екенін ұғындыру. Іс- шарада қолданылған слайдтар, сұрақ-жауаптар, жұмбақтар мен мақал-мәтелдер балалардың қызығушылығын арттырды.

2012 жылы 18 қазанда №5 балалар кітапханасында №64 мектеп-лицейінің 3 «Е» сынып оқушылармен бірге «Құстар хандығы мен аңдар мемлекетінде» атты іс-шара өтілді. Мақсаты: оқырмандарға экологиялық тәрбие беру, табиғатты сүйе білуге, бүлдірмей қорғай білуге, оқырмандарды жердің қадірін, байлығын бағалай білуге, туған табиғатты қамқорлық жасауға баулу.

24 қазанда «Жолда жүру ережесін сақтаймыз!» атты әдеби саяхат сабағы өтті. № 64 мектеп-лицейінің 3 «Ғ» сынып оқушыларымен бірге өтілген іс-шарада жолда жүру ережесімен таныстырып, ережені, тәртібін үнемі сақтап жүру үйретілді, жол қауіпсіздігін есте сақтап, жол ережесінің белгілерімен танысты. Оқырмандарға жол көлік құралдары мен жолаушылардың қозғалысы туралы мәлімет берілді.

1 желтоқсан Қазақстан Республикасының тұңғыш Президенті күні биыл бірінші рет елімізде аталып өтті. 10 қарашада 2012 жылы № 5 балалар кітапханасында «Елін сүйген–елі сүйген Елбасы» атты кітап көрмесі ұйымдастырылды. Бұл көрмеге 100-ге жуық елбасы туралы, елбасы отбасы туралы және елбасының жазған еңбектері туралы жазылған кітаптар қойылды.

Өздеріңіз білесіздер еліміздің тұңғыш Президенті, Қазақстанның мемлекет қайраткері Н.Ә. Назарбаев 1990 жылдан бері елімізді басқарып келеді. 1991 жылдың 1 желтоқсанында жалпыхалықтық сайлауға түсіп, 98 пайызбен жеңіске жеткенін білесіздер. Міне содан бері 20 жылдан астам уақыт ішінде еліне елеулі қызмет етіп келе жатқан президентіміз.

Тәуелсіз мемлекетіміздің дамуы, еліміздің қауіпсіздігі, мемлекетіміздің қалыптасуы Елбасы есімімен тығыз байланысты.

 

2013 жыл

«Генерал Панфилов» тақырыптық сөре

Генерал-майор И.В. Панфиловқа – 120 жыл толуына байланысты 2013 жылдың 3 қаңтарында оқу залында «Генерал Панфилов» тақырыптық сөре ұйымдастырылды. И.В. Панфиловқа арналған бүктеме шығарылды және ол тақырыптық сөреге шолу жасалды.

Генерал-майор И.В. Панфилов басқарған 316-атқыштар дивизиясы (кейіннен 8-гвардиялық-панфиловшылар дивизиясы) Мәскеу түбіндегі Волоколам тас жолын қорғады. 16-қарашада жау Волоколам бағытында ұрысқа шығып, Дубосеково разъезіндегі 1075-атқыштар полкі 4-ротасының 2-взводы тұрған бекініс шебіне шабуыл жасады. Ротаның саяси жетекшісі В.Г. Клочков басқарған взвод жауынгерлері — барлығы 28 адам мылтықпен, жанармай құйылған шөлмектермен, гранаталармен қаруланып, жаудың 20 танкісімен 4 сағатқа созылған ұрыс жүргізді. Жаудың 14 танкісі қиратылып, панфиловшылар арасынан да бірнеше адам қаза тапты. Жау ұрысқа тағы 30 танк шығарды. Қазақстандық жауынгерлер соғыс тарихында сирек кездесетін ерлік жасап, жаудың болат құрсанған машиналарына төтеп берді.

«Әміре Қашаубаевқа 125 жыл» тақырыптық сөре

Оқу залында Әміре Қашаубаевқа 125 жыл толуына байланысты тақырыптық сөре ұйымдастырылды. Тақырып сөресіне Әміре Қашаубаев туралы бірнеше кітаптар қойылды.

Әміре Қашаубаев (1888-1934) – атақты әнші, актер әрі музыкант. Қазақтың әншісі Әміре Қашаубаев өзінің халықтық манерада айтылатын емін-еркін даусына ұлт аспабы домбырасының сүйемелін қосып өз елінің жаныңда толқытатын әндерін орындады.

 

«Болашақтың энергиясы» тақырыптық сөре

Оқу залында мерзімді басылымдар пайдалану арқылы жинақтау папкасын дайындадық және «Болашақтың энергиясы» атты көрме ұйымдастырдық. Астана ЭКСПО-2017-нің басты ұраны - «Болашақтың энергиясы». ЭКСПО-2017 көрмесін өткізу нәтижесінде еліміз энергетика саласында озық технологияларды өндіріске енгізу идеяларын қабылдап, бұл саланы дамытуға жаңа тиімді инвестициялар тарту үшін қолайлы.

 

«Қазақстан – 2050 Стратегиясы» тақырыптық сөре

Қазақстан Республикасының Президенті – Елбасы Н.Ә.Назарбаевтың Қазақстан халқына жолдауы «Қазақстан - 2050» Стратегиясы қалыптасқан мемлекеттің жаңа саяси бағытының мақсаты – 2050 жылға қарай мықты мемлекеттің, дамыған экономиканың және жалпыға ортақ еңбектің негізінде берекелі қоғам құру. Мықты мемлекет экономикалық жедел өсу жағдайын қамтамасыз ету үшін аса маңызды болмақ. Мықты мемлекет күнкөріс саясатымен емес, жоспарлау саясатымен, ұзақмерзімді дамумен және экономикалық өсумен айналысады.

 

«Жаңа кітаптар» көрмесі

Абонементе тұрақты жұмыс істейтін «Жаңа кітаптар» атты кітап көрмесі ұйымдастырылған. Бұл кітап көрмесі кіші және орта буын топтарына арналған. Мақсаты: балаларды кітап оқуға тарту, қызықтыру, оқыған кітаптары туралы сыныптастарымен ой бөлісуге шақыру.

 

«Ақыл ойдың алыбы» кітап көрмесі

Ахмет Байтұрсыновқа 140 жыл толуына байланысты 2013 жылдың 21 қаңтарында «Ақыл ойдың алыбы» атты кітап көрмесі ұйымдастырылды. Халықтың зердесіне сәуле түсіріп, санасын оятқан рухани көсем - Ахмет Байтұрсынов. Ахмет Байтұрсынов - біріншіден, қазақ тілінің тұңғыш әліппесі мен оқулықтарының авторы. Соңынан із салған жаңашыл ағартушы. Қазақ әдебиеті мен әдебиеттану ғылымының, тіл білімінің атасы, ұлы түрлендіруші-реформаторы атанған ол өзінің алдындағы Шоқан, ЬІбырай, Абайлардың ағартушылық, демократтық бағыттарын жалғастыра отырып, өз заманындағы тұтас бір зиялы қауымның төлбасы болды. Ахмет қазақ ұлтына жанын аямай қызмет қылды, халықтың арын іздеп, өзінің ойға алған ісі үшін бір басын бәйгеге тікті.

 

«Мәдениет пен достық көпірі» хабарлама-көрмесі

Қазақстан мен Франция арасындағы серіктестіктің стратегиялық деңгейін мен мәдени-гуманитарлық ынтымақтастығын одан әрі дамыту мақсатында «Мәдениет пен достық көпірі» атты хабарлама-көрме ұйымдастырылды. Көрмеге бірнеше газет-журналдар және кітаптар қойылды, олар жыл бойы оқырмандарға толықтырылып отырады.

 

«Менің жүрегімнің әні...» көрме

2013 жыл түркі тілдес елдер арасында қазақ композиторы Мұқан Төлебаевтың жылы деп аталды. Осы жылға байланысты біздің кітапханада «Менің жүрегімнің әні...» атты көрме ұйымдастырылды. Бұл көрмеге композитордың өмірі туралы және бағындырған белестері туралы кітаптар мен журналдар қойылған. Ол жыл бойы толықтырылып отырады.

 

«Өрт қауіпсіздігін сақтау» сұхбат

15 қаңтарда Астана қаласының төтенше жағдай Департаменті Алматы ауданының төтенше жағдайлар басқармасының инспекторымен біздің кітапханада сұхбат жүргізілді. Кітапханадағы өрт қауыпсіздігін қамтамасыз ету, өртке қарсы талаптарды, нормаларды, ережелер мен стандарттарға сай болуы керек екендігі айтылды.

Ақпан айында Шыңғыс Айтматов жылына байланысты «Шынғыс Айтматов — бүгінгі заманғы кемеңгер жазушы» атты кітап көрмесі ұйымдастырылды. Шыңғыс Айтматов - заманымыздың заңғар жазушысы, түркі халықтарының маңдайына біткен қайталанбас қаламгер, ойшыл гуманист, данагөй, қазақ-қырғызға ортақ халық жазушысы, Социалистік Еңбек Ері, КСРО мемлекеттік сыйлығының үш мәрте иегері және Лениндік сыйлықтың лауреаты. Бұл көрмеге Ш. Айтматовтың «Жәмиләдан» бастап, әлемге танымал «Қош бол, Гүлсары», «Ақ кеме», «Ғасырдан да ұзақ күн», «Жанпида» сияқты және тағы да басқа шығармалары қойылған, олар жыл бойы оқырмандарға толықтырылып отырады.

Құрманғазы Сағырбайұлының 190 жылдығына байланысты «Ғасырлар шегі» атты тақырыптық сөре қойылды. Бұл сөреге Құрманғазының өмірі мен күйлерінің шығу тарихы туралы мәліметтер қойылған. Сағырбайұлы (1823-1896)- композитор - күйші, қазақтың аспапты музыка өнерінің классигі. Оның “Сары-Арқа”, “Алатау”, “Бұлбұлдың құрқұры” атты күйлері туған жер сұлулығын көрсетсе, Кішкентай”, “Төремұрат”, “Адай” күйлері батырлар бейнесін “Қайран шешем”, “Қызыл қайың”, “Кісен ашқан” күйлері күйші өміріндегі нақты оқиғаларға арналған. 60-тан аса күйі көпшілікке мәлім. Құрманғазы Сағырбайұлының өмірбаяны туралы екі тілде балаларға арналған бүктеме шығарылды.

21 ақпанда Қажымұқан Мұңайтпасұлының 130 жылдығына «Қазақ жерінің мақтанышы» атты суретті-кеш өтті. Қажымұқан Мұңайтпасұлы – кәсіпқой күрестің үш түрінен, атап айтқанда, еркін күрестен, французша (грек-рим), джио-джитсу күресінен әлем чемпионы. Ол халқының бағына біткен күш атасы, қайталанбас біртуар тұлға екені айтылды. Бұл іс-шараға №38 мектеп-лицейінің 6-7 сынып оқушылары қатысты. Кітапханада кітап көрмесі ұйымдастырылды. Ол көрмеде Қажымұқан Мұңайтпасұлының өмірі мен жеткен жетістіктер туралы жазылған кітаптар мен газеттер қойылды және ол оқушыларға таныстырылды.

Кеш барысында Қажымұқан Мұңайтпасұлы туралы бейне-фильм көрсетілді. Бұл кеш мақсаты: оқырмандарға Қажымұқан Мұңайтпасұлы туралы толық мәлімет беру және спортпен айналысуға баулу.

 

 

 

«Достар туған күнінмен»

 

2013 жылдың 9 қазан айында «Орталықтандырылған кітапханалар жүйесі» КММ №5 балалар кітапханасында, мүмкіндігі шектеулі балалар мен жастарды әлеуметтік «Баламай» қолдау орталығымен «Достар туған күніңмен» атты іс-шарасы өтті. ОКЖ көпшілік шараларын ұйымдастыру басшысы Сейдахметова Сағыныш Дүйсенқызы шараға келген балаларды мерекемен құттықтады. Мерекеде оқу залы түрлі-түсті шарлармен безендіріліп, столдың үстінде шараға байланысты түрлі-түсті безендірілген кітаптар қойылды. Қабырғада дос туралы нақыл сөздер жазылып қойылды.

 

Оқырмандар кірген кезде мерекелік әуендер ойналып, экран арқылы достықты әсерлейтін көріністерден слайд көрсетіліп тұрды. Шара «Шашу»биімен ашылды.

Кітапханашылар Сағадат Бердібекқызы мен Людмила Георгиевна балаларға кітап туралы ғұламалардың айтқан сөздерінен оқып берді. Іс-шара достық туралы болғаннан кейін әртүрлі жұмбақтар жасырылып және викториналық ойындар жүргізілді.

«Баламай» қолдау орталығы балалары, осы шараға өздерінің дайындаған концертін ала келді.

 

Мүмкіндігі шектеулі балалар мен жастарды әлеуметтік«Баламай» қолдау орталығының меңгерушісі Әубакирова Бәтима Естайқызы балаларды, осы қоғамның толық қанды мүшесі екендігін айта кетіп, кітапхана ұжымына өз ризашылығын білдірді.

 

 

 

Әсем әнімен, көркем сөз оқуымен, сұлу биімен ерекшеленген балаларға атап айтқанда: Баженов Андрей, Ноғайбаев Қуаныш, Қартай Нұрдина, Макарова Мария, Евгений Пискунович, Эмиль Аббасовтарға ОКЖ ұжымы атынан мақтау грамоталары мен кітаптар тарту етілді. Шара соңында бәріміз біргеміз, доспыз деген көтеріңкі көңіл күйде, әсем әнмен аяқталды.